Jaaniye SEO kya hai aur yeh kaise kaam karti hai
Jaaniye SEO kya hai aur yeh kaise kaam karti hai

Jaaniye SEO kya hai aur yeh kaise kaam karti hai

SEMrush

Jaaniye SEO kya hai aur yeh kaise kaam karti hai

SEO ka poora naam search engine optimization hai. Kisi bhi website ya blog ki success ke liye SEO ek important process hai. SEO ke bina kisi bhi website ya blog ka success hona almost namunkin hai. SEO internet marketing ka bahut hi important process hai jisko apnaakar badi badi e-commerce companies duniya mein grow kar rahi hai. Yeh SEO hi hai jiska upyog karke koi bhi website search engines jaise ki google, yahoo, bing etc. mein first page mein present ho rahi hai.

Aakhir SEO hoti kya hai? What is SEO?

SEo ka seedha sa matlab hai ke apni website ya post mein is prakaar se sudhaar karna ke hamari website ya post search engines ke 1st page pe show hone lage.

Search engine mein different keyword query search karke hi sabse jyada se jyada log kisi bhi website tak pahunchate hai yaani ke kisi bhi website ke traffic ka main source search engine jaise ki google, yahoo ya bing etc. hote hai. Internet pe available millions of web pages mein se sabse acche web pages ko user ke liye available karwaya jata hai aur yahi hai search engine ka main kaam. Is kaam ko karne ke liye search engine ya softwares ya bots hote hai jo alag alag baton ko factors ko aur rules ko follow karte hue kisi ki bhi website ya page ko rank dete hai aur site ko upper leke aate hai.

Kisi bhi website ko search engine ke pehle page mein show karne ke liye kai SEO factors kaam karte hai. Jaise ki website ka design, post ki quality, post ka search kiye gaye keywords se relation, logo dwara website ko pasand kiya jana ya website par jyada time spend karna, post ko present karne ka tarika, website par backlinks jaise kai factors hote hai. Inhi sab kaarno ko dhyaan mein rakh kar hi apni website ya post mein sudhaar ya badlaav karne ko hi SEo kehte hai.

 Search engine kaise kam karta hai? How search engine works?

SEO ko acche se samjhane ke liye zaroori hai ke hum is baat ko samjhe ke search engine kaise kaam karta hai. Internet par ek hi topic se related laakhon pages hote hai lekin jab hum kisi bh isearch query ko google search box mein type karte hai to sabse pehle page par us search query se related sabse acche page results hi show hote hai.

Search engine ka main kaam hi yahi hota hai ke wo internet par available billions of pages ko scan karke sabse acche result aapke saamne present kare aur aisa karne ke liye search engine kaafi tarah ke algorithm ka istemaal karta hai.

Crawling:-

Sabse pehle search bots ya software ke dwara internet par available billions of pages ko scan karke har page ki detailed information ko praapat kiya jata hai, issi prepration ko crawling kaha jata hai.

Ranking and Indexing:

Crawling ke baad sabhi web pages ko alag alag tarike se ranking dekar unki indexing ki jati hai. Webpages ki ranking ke liye keywords, search query, country, content quality, backlinks, reliability, relevancy jaisi aneko tarah ki baton ko dhyaan mein rakha jata hai taaki search query mein sabse badiya aur genuine post ya page hi user ke saamne aaye.

Search Query and Search Result:-

Jab internet user search mein kuch bhi query daalkar search karta hai to search engine ke software seconds se bhi kam time mein pehle index kiye hue web pages mein se sabse relevant webpages ko quickly show kar deta hai.

SEMrush

SEO kyon jaroori hai? Why SEO is important?

Kisi bhi website par sabse jyada visitors ssearch engine ke maadhyam se hi pahunchte hai. Isliye har website ka owner apni website ko search engine ke pehle pages par hi pradarshit karne ko importance deta hai.

Search engine mein crawling, ranking and indexing, search result etc. ki prakriya bahut hi jatil hoti hai jo ke search engine ke automated software dwara ki jaati hai. Agar koi website SEo ka use nahi karti hai to google bots ke liye us website ke pagesko samjhna bahut mushkil ho jata hai aur we us website ke pages ko google search mein show karna band kar deti hai ya bahut peeche kar deti hai.

For example nuskhe.in par sabse jyada log search engine ke dwara search karke aate hai aur agar main nuskhe.in par prakashit hone wali posts mein nuskhe word ka prayog na karun to google meun nuskhe search hone par nuskhe.in kabhi show nahi hogi, bhale hi nuskhe.in jitni marji badiya posts kyon na ho.

Isliye SEO ka main kaam apni websites ko search engine friendly banana se hai taaki search engine hamari website par available information ko samjhe aur usse search engine dwara upper top mein post kare.

Kya ek normal Blogger SEO kar sakta hai? Can a normal Blogger do SEO itself?

Website ka search engine optimization karna koi badi baat nahi hai. Domain nam buy karne se le kar post ki quality kis tarah ki honi chahiye aur published post ko kis tarah se effectively promote kiya ja sakta hai. In sabhi parts ki information aaj internet par easily available hai.. koi bhi insaan is information ka istemall karke SEO ko samjah aur kar sakta hai.

ON Page SEO kya hai? What is ON Page SEO?

On Page SEO  ke process mein post ya website par kiye jaane wale sabhi changes ya modifications shaamil hai jaise acchi quality ka content taiyar karna, content aur heading se related long tail keywords upyog karna, har page ko attractive aur subtitle dena yeh sab cheejein ON Page SEO mein shaamil hai.

OFF Page SEO kya hai? What is OFF Page SEO?

OFF page SEo mein website par kiye jaane wale changes ke alawa sabhi tarah ke changes shaamil hai jaise ki website ke liye link building karna, social media mein promote karna, websites ko web 2.0 sites mein add karna, directory submission ya bookmarking karna yeh sab cheejein OFF Page SEO mein aati hai.

Black Hat SEO kya hai? What is Black Hat SEO?

Black hat SEO ka matlab galat tariko se apni website ko search engine mein list karna hota hai. Agar koi search engine guidelines ko follow nahi karta aur galat tarike se apni website ko search engine mein top par lana chahta hai to usse hi black hat seo kaha jata hai, aise mein us website ko search engine se ban tak kar diya jata hai. Fraud tarike se backlinks create karna bhi black hat seo kehlata hai.

White Hat SEO kya hai? What is White Hat SEO?

Search engine ki guidelines ko dhyan mein rakhte hue apni website ki on page ya off page seo karne ko hi white hat seo kaha jata hai, ismein kiya jaane wala kaam manually kiya jata hai jabki software use karna black hat seo mein aata hai.

SEMrush
x

Check Also

जानिये वह तरीका जिससे आपके फेसबुक पोस्ट पर मिलें ढेरों लाइक्स और कमेंट , Know the trick how you can get more likes and comments on your facebook posts

जानिये वह तरीका जिससे आपके फेसबुक पोस्ट पर मिलें ढेरों लाइक्स और कमेंट , Know the trick how you can get more likes and comments on your facebook posts

जानिये वह तरीका जिससे आपके फेसबुक पोस्ट पर मिलें ढेरों लाइक्स और कमेंट | Know ...